د افغان ښځینه متشبثینو مبارزه
د افغان ښځینه متشبثینو مبارزه افغان ښځینه متشبثین د بازار د فرصتونو له نشتوالي سره مبارزه کوي افغانستان په ۲۰۲۱ کال کې د طالبانو د واکمنۍ له پیل راهیسې له کړکېچن وخت څخه تیریږي، د هیواد اقتصاد له ستونزو سره مخ دی او خلک په ځانګړې توګه ښځې له ګڼو ننګونو سره مخ دي. ښځینه متشبثې په ځانګړې توګه د خپلو تولیداتو لپاره د بازار د فرصتونو له نشتوالي شکایت کوي په افغانستان کې ډېرو ښځو د خپل ځان او کورنۍ د ملاتړ لپاره کوچني کاروبارونه پیل کړي، خو د دغو کاروبارونو په چلولو کې له ګڼو ننګونو سره مخ دي. یو له خورا مهم ننګونو څخه د دوی محصولاتو لپاره د دایمي بازار نشتوالی دی. هغه ښځې چې په خصوصي سکټور کې تولیدات پرمخ وړي، د خپلو تولیداتو د پلور لپاره یو باثباته بازار ته اړتیا لري، خو په افغانستان کې دا ډول بازار نشته برسېره پردې، د خلکو اقتصادي ستونزې دوی د محصولاتو پیرودلو مخه نیسي، چې د ښځینه متشبثینو لپاره ضعیف پلور لامل کیږي. د کار نړیوال سازمان د یوه تازه راپور له مخې، د طالبانو د واکمنۍ له پیل راهیسې د ښځو ۲۵ سلنه دندې له منځه تللې دي. دې کار یوازې هغه ننګونې زیاتې کړې چې په افغانستان کې ښځ...