د بريتانيا وزير په افغانستان کې د نجونو پر زده کړو بنديز وغنده
په ولسي جرګه کې د منځني ختیځ د چارو وزیر همیش فالکنر افغانستان د نړۍ یوازینی هېواد وباله چې ښځې او نجونې په ښوونځیو او پوهنتونونو کې د زده کړو اجازه نه لري. د برتانیې وزیر ویلي، چې په دې ډول چلند سره باید د افغانستان سرپرست حکومت د نړیوالې ټولنې د ملاتړ تمه ونه لري. فالکنر په یوه ویډیو کې چې په X کې شریکه شوې ویلي: "دا په نړۍ کې یوازینی هیواد دی چې د نجونو لپاره یې په ثانوي زده کړو بندیز لګولی دی، انګلستان دا کار په کلکو ټکو غندي او همدارنګه د طالبانو وروستۍ پریکړه چې د ښځو پر طبي زده کړو بندیز لګوي، په کلکه غندي. د نادولتي موسسو لپاره د کار کولو څخه د دوی د منع کولو هڅې." په همدې حال کې په هېواد کې له زده کړو بې برخې نجونو یو ځل بیا د تعلیمي ادارو د پرانستلو غوښتنه کړې ده. رویا چې د پوهنتون په لومړي کال کې له لوړو زده کړو بې برخې شوې، د خپلې راتلونکې په اړه اندېښمنه ده. هغې له اسلامي امارت وغوښتل چې د نوي کال په پیل سره د ښځینه زده کوونکو لپاره د تعلیم دروازې بیرته پرانیزي. رویا وویل: "دا باید روښانه شي چې ایا موږ کولی شو په کوم ځای کې خپلو زده کړو ته دوام ورکړو. دا...