IOC د پاریس 2024 المپیک کې د طالبانو حضور ته اجازه نه ورکوي
د المپیک نړیوالې کمیټې (IOC) اعلان کړی چې د پاریس د ۲۰۲۴ کال د المپیک په سیالیو کې به هیڅ طالب چارواکي د ګډون اجازه ورنکړي. د دې کمېټې یوه ویاند ویلي چې افغانستان به له یوې ډلې سره چې درې ښځې او درې نارینه پکې وي، د جنډر پر برابرۍ ټینګار کوي. د IOC ویاند مارک اډمز د پنجشنبې په ورځ په یوه خبري کنفرانس کې وویل چې د جنسیت د برابرۍ ټیم جوړېدل افغانستان ته دا پیغام رسوي چې د طالبانو د واکمنۍ پر مهال سپورټ، جیمونو او د فټنس مرکزونو ته د ښځو او نجونو لاسرسی نهدی شوی. محدود اډمز یادونه وکړه چې IOC د افغانستان د المپیک ملي کمیټې رییس په رسمیت پیژني چې عمومي منشي یې اوس په جلاوطنۍ کې دی. د IOC ویاند زیاته کړه، "موږ له څه مودې راهیسې د NOC ولسمشر او عمومي منشي سره کار کوو، چې موږ په جلاوطنۍ کې پیژنو". هغه ټینګار وکړ چې په پاریس کې به د طالب چارواکو لپاره ځای نه وي. د طالبانو د حکومت هیڅ رسمي استازی به د ۲۰۲۴ کال د المپیک په لوبو کې ګډون ونه کړي. په دې وروستیو کې دغې کمېټې ویلي چې په افغانستان کې د ښځو او نجونو پر ورزش اوسني محدودیتونه لرې کولو لپاره د افغانستان د ملي کمېټې او د سپورت...