په ټول افغانستان کې تر ۲۰۰ ډېر کلینیکونه جوړېږي
په ټول افغانستان کې تر ۲۰۰ ډېر کلینیکونه جوړېږي د افغانستان اسلامي امارت د عامې روغتیا وزارت اعلان کړی چې په راتلونکي کال کې به په ټول هیواد کې دوه سوه کلینیکونه جوړ کړي د عامې روغتیا وزیر قلندر عباد له آریانا نیوز سره په ځانګړې مرکه کې وویل، وزارت یې هڅه کوي چې د افغانستان روغتیايي سیستم معیاري کړي څو روغتیايي ظرفیت یې له نړیوالو معیارونو سره برابر وي عباد وويل، وزارت يې په هېواد کې د روغتيايي کارکوونکو د ظرفيت لوړولو لپاره لنډ مهاله او اوږدمهاله پلانونه لري، څو د ډاکټرانو او روغتيايي کارکوونکو ظرفيت له نړيوالو معيارونو سره برابر شي عباد وويل: نه يوازې موږ پخواني روغتونونه او کلينيکونه فعال ساتلي، بلکې روغتونونه مو لوړ کړي او د ولسواليو او کليو په کچه مو نوي روغتونونه هم جوړ کړي دي هغه ویلي دي چې د زیږون پر مهال د میندو د مړینې کچه د تیر کال په پرتله د پام وړ کمه شوې ده هغه زیاته کړه: د میندو د مړینې کچه خورا ټیټه شوې ده ځکه چې خدمتونه معیاري شوي دي ما دا څو څو ځله ویلي چې د امیندوارو میرمنو لپاره باید یوه څانګه جوړه شي ترڅو دوی او د دوی ماشومان خوندي شي هغه همدا راز ټینګار وکړ چ...