ACCI له تېرې میاشتې راهیسې افغانستان ته د الوتکو تېل نه دي وارد شوي
د افغانستان د سوداګرۍ او پانګونې خونه (ACCI) وايي، له شاوخوا یوې میاشتې راهیسې افغانستان ته د الوتکو د سونګ توکو واردول نه دي شوي. خونې خواشیني څرګنده کړه او ویې ویل، چې اسلامي امارت باید دا ستونزه هواره کړي او له ترکمنستانه دې وغواړي، چې افغان سوداګرو ته اجازه ورکړي، چې هېواد ته تېل وارد کړي.
د سوداګرۍ او صنایعو خونې مسوولینو زیاته کړه، چې له ترکمنستان سره د تېلو د پېرلو قرارداد لاسلیک شوی او پیسې هم لېږدول شوې، خو هغه هېواد افغانستان ته د تېلو د داخلېدو اجازه نه ورکوي.
په همدې حال کې د اجرائيه رياست وياند ذبيح الله مجاهد وايي، چې دوى دغه ستونزه څېړلې او غواړي، چې د سوداګرۍ او صنايعو وزارت له لارې دغه ستونزه هواره کړي.
د سوداګرۍ او صنایعو اتاق د چارواکو په وینا، نه یوازې ترکمنستان د الوتکو د تیلو د داخلیدو اجازه نه ورکوي، بلکې دوی د خوراکي توکو په لیږد کې هم ستونزې لري او دوی غواړي چې د سوداګرۍ او صنایعو اتاق دې دا موضوع له ترکمنستان سره شریکه کړي.
Comments
Post a Comment