IOM په افغانستان کې له 2000 څخه زیات دندې رامینځته کوي، د متشبثینو ملاتړ کوي
دې سازمان په X کې دا هم وویل: "موږ د پانګې ، تجهیزاتو او روزنې سره د کوچني او متوسط سوداګرو (SMEs) ملاتړ کوو ترڅو د بې ځایه شوي خلکو ، راستنیدونکو ، ځوانانو او میرمنو لپاره د کارموندنې وده وکړي."
د اقتصادي چارو کارپوه شمس الرحمن احمدزي وويل: "په افغانستان کې بايد په بېلابېلو سکټورونو کې وړې پروژې پلې شي، ترڅو زموږ هغه وروڼه او خويندې چې په کور کې دي او يا وزګار دي، د خپلو کارونو د پرمخبيولو لپاره واړه کارونه ترسره کړي."
په همدې حال کې یو شمېر ښځینه متشبثینو طلوع نیوز ته ویلي چې د کورنۍ د اقتصادي ثبات د ټینګښت لپاره اړینه ده چې په بېلابېلو برخو کې د ښځینه متشبثینو ملاتړ وشي.
یوې سوداګرې مېرمنې ممتاز یوسفزۍ د طلوع نیوز خبریال ته وویل، موږ ښځو ته اړتیا لرو چې پرمختګ وکړي او هغه بنسټونه او مرستندویان چې افغانستان ته راغلي دي باید د ښځو ملاتړ او مرسته وکړي او په دې برخه کې له خلکو سره همکاري وکړي.
د دې تر څنګ د اقتصاد وزارت وايي، چې د اقتصادي ودې د پياوړتيا او په اوږدمهال کې د بېکارۍ د کمولو لپاره بايد مرستندويه موسسې پر داسې پروژو تمرکز وکړي، چې ډېر کاري فرصتونه رامنځته شي.
Comments
Post a Comment