له چین سره د طالبانو اړیکې
په کابل کې د چین سفیر دغه څرګندونې د یکشنبې په ورځ د جنورۍ په ۱۲ مه د طالبانو له خوا د ښار جوړونې او کور جوړونې له وزیر حمدالله نعماني سره د کتنې پر مهال وکړې.
د طالبانو د ښار جوړونې او کور جوړونې وزارت د خبرپاڼې له مخې، د چین سفیر وویل، ځینې کړۍ نه غواړي چې د چین او افغانستان ترمنځ سیاسي او دیپلوماتیکې اړیکې پراختیا او دوام ومومي او په دې برخه کې د خنډونو رامنځته کولو هڅه کوي چې چین ورته پام کړی دی. دا مسله او له افغان لوري څخه هیله کوم چې ورته پام وکړي.»
د چین سفیر د کوم ځانګړي هیواد نوم وانخیست، خو له چین سره د طالبانو لېوالتیا ته په کتو دا اندېښنه بې ساري ده. طالبان چې له لویدیځ او په ځانګړې توګه له امریکا سره یې اړیکې ترینګلې دي، هڅه کوي د امنیت شورا له دوو مهمو غړو روسیې او چین سره خپلې اړیکې پراخې کړي.
په همدې حال کې هند، سعودي عربستان او متحده عربي اماراتو هم له طالبانو سره د اړیکو د ښه کولو لپاره لومړني ګامونه پورته کړي دي.
د طالبانو د ښار او کور جوړونې وزیر حمدالله نعماني ویلي، افغانستان او چین له اوږدې مودې راهیسې سیاسي او اقتصادي اړیکې لري او دواړه لوري د دغو اړیکو پراخولو او پیاوړتیا ته ژمن دي.
هغه وړاندیز وکړ چې چینایي پانګوال دې وهڅول شي چې په ساختماني پروژو په ځانګړې توګه د کابل نوي ښار په پروژه کې برخه واخلي.
په کابل کې د چین سفیر د کابل په نوي ښار کې د پانګونې په اړه وویل، د پانګونې اړوند شرایط، اسانتیاوې او جزئیات باید مشخص شي، څو چینايي پانګوالو ته بشپړ او شفاف معلومات ورکړل شي او هغوی وهڅول شي چې په دې پروژه کې برخه واخلي. .
د طالبانو له واک ته د رسېدو درې کاله وروسته، چین د ملګرو ملتونو په امنیت شورا کې له طالبانو سره سیاسي ملاتړ وکړ، خو په افغانستان کې د پانګونې او د دې ډلې د انزوا د کمولو لپاره یې جدي ګامونه نه دي پورته کړي.
طالبانو هیله درلوده چې چین چې د نړۍ دوهم ستر اقتصاد دی، په افغانستان کې د غربي هېوادونو ځای ونیسي، خو بیجینګ دغه غوښتنه نه ده منلې.
Comments
Post a Comment