په افغانستان کې د نوري فایبر تړل د انټرنېټ او ټلیفوني شبکو فلج کېدو لامل شول
په افغانستان کې د سرپرست حکومت د پرېکړې له مخې د نوري فایبر د انټرنېټي شبکو تړل د دې لامل شوي چې د هېواد په کچه د ټلیفوني او مخابراتي اړیکو بهیر هم ټپه ودریږي.
د انټرنېټ د څار ادارې نېټبلاکس په وینا، اوس مهال افغانستان له پراخ او بشپړ مخابراتي بندیز سره مخ دی او د انټرنېټ لاسرسی نږدې په ټول هېواد کې پرې شوی دی.
نړیوالو خبري اژانسونو خبر ورکړی چې په کابل کې یې له خپلو دفترونو سره اړیکه پرې شوې او د موبایل انټرنېټ، سټلايټ خپرونې او مخابراتي شبکې سختې اغېزمنې شوې دي. ځینې سرچینې وايي، د کابل له هوايي ډګره الوتنې هم ګډوډې شوې او لږ تر لږه اته پروازونه لغوه شوي دي.
Comments
Post a Comment