د کرکټ شلاوریز نړۍوال جام سیالۍ؛ نن د هند او پاکستان ترمنځ لوبه ترسره کېږي
کابل (پژواک، ۲۶ سلواغه ۱۴۰۴): د ۲۰۲۶ کال د کرکټ شلاوریز نړۍوال جام سیالیو په لړ کې نن د هند او پاکستان لوبډلو ترمنځ لوبه ترسره کېږي.
د هند او پاکستان ترمنځ لوبه نن د افغانستان پر وخت ماښام شپږ بجې د سریلانکا په پلازمېنه کولمبو کې ترسره کېږي.
د ۲۰۲۶ کال د کرکټ شلاوریز نړۍوال جام سیالۍ د هند او سریلانکا په کوربهتوب روانې دي.
په دغو سیالیو کې به افغانستان خپله درېیمه لوبه سبا د متحده عربي اماراتو له لوبډلې سره ترسره کړي.
افغان لوبډلې تر دې مهاله په نړۍوال جام سیالیو کې دوه لوبې ترسره کړې چې لومړۍ لوبه یې نیوزلینډ ته او دویمه لوبه یې بیا سوېلي افریقا ته بایللې دي.
Comments
Post a Comment