ترکیې افغانانو ته د ډیپلوماټیکو ویزو ورکولو تړون ودراوه

 د رسمي جریدې له مخې، ترکیې د افغانستان د ډیپلوماتیکو پاسپورتونو لرونکو ته د ویزې د معافیت د ورکولو تړون وځنډاوه.

په دغه فرمان کې چې د ولسمشر رجب طیب اردوغان لاسلیک شوی دی، ټاکل شوې چې دغه پرېکړه به د جون له لومړۍ نیټې څخه د مې د میاشتې په ۲۹مه نېټه اعلان شي.

د ترکیې پارلمان په ۲۰۰۸ کال کې د افغان ډیپلوماتیک پاسپورټ لرونکو لپاره د ویزې معافیت تصویب کړ. د بهرنیو چارو وزارت سرچینو یا نورو چارواکو تر اوسه د دې پرېکړې په اړه نور جزئیات نه دي وړاندې کړي.

په یو موازي اقدام کې، ترکیې هغه تړون لغوه کړ چې تیره میاشت یې تاجکستاني اتباعو ته د ویزې معافیت ورکړی و.

دا پریکړه د می په ۲۹ نیټه د ترکیې د مهاجرت د مدیریت د عمومي ریاست د مشر له سفر وروسته وشوه. د ترکیې د بهرنیو چارو وزارت له خوا په خپره شوې خبرپاڼه کې راغلي، چې په دې کتنه کې دواړو لورو ترکیې ته د غیر قانوني مهاجرت د مخنیوي او د افغان کډوالو د راستنیدو په اړه بحث او خبرې وکړې.

تر سوریایانو وروسته، افغان مهاجرین په ترکیه کې یو له سترو مهاجرینو څخه شمیرل کیږي. ترکیه په ۲۰۲۱ کال کې د طالبانو له واک ته رسیدو وروسته له افغانستان څخه د مهاجرت په برخه کې د زیاتوالي تجربه وکړه. سره له دې چې د طالبانو له واک ته رسیدو وروسته له افغانستان سره رسمي ډیپلوماټیکې اړیکې نه لري، ترکیه په هیواد کې د چارو سرپرست لري او هلته د بشري مرستو هڅو ته دوام ورکوي.