د شانګهای سازمان کې د افغانستان موقف: سیمه ییز امنیت او د ګډون ننګونې
د شانګهای همکارۍ سازمان سرمشریزه: د افغانستان ستراتیژیک اهمیت او د طـالبانو محدود حضور د شانګهای همکارۍ سازمان (SCO) په تازه ناستو کې د یورایشیا د امنیتي استقرار موضوع یو ځل بیا د بحثونو په محور بدله شوې ده. که څه هم تروریزم، د نشه یي توکو قاچاق او منظم جرمونه د سیمې د هېوادونو مشترکې اندېښنې جوړوي، خو د طـالبانو حکومت تر اوسه نه دی توانېدلی چې د یاد سازمان په اصلي سیاسي او پرېکړه کوونکو غونډو کې مستقیم حضور ولري. دا بېلابېل عوامل لري، مګر تر ټول مهم یې د سیمې او نړۍ له لوري د یوه ټولګډونه افغان حکومت د جوړېدو داسې غوښتنه ده چې وکولای شي د هر اړخیز ثبات ضمانت وکړي.