تهران د افغانستان په اړه د سیمه ییزې غونډې کوربه دی
د افغانستان لپاره د سیمه ایزو تماسونو د ډلې غونډه سبا د ایران، چین، روسیې او پاکستان د خاصو استازیو په ګډون په تهران کښې جوړیږی.
د ایران د بهرنیو چارو په وزارت کې د جنوبي اسیا د برخې عمومي مشر رسول موسوي د شنبې په ورځ وویل چې تهران به د جون په اتمه نېټه د افغانستان لپاره د سیمه ایزو تماسونو د ډلې د غونډې کوربه وي.
هغه وویل چې د ایران، پاکستان، چین او روسیې د ځانګړو استازو سلا مشورې د اجنډا په سر کې دي.
هغه زیاته کړه، د تهران غونډه به د سیمه ییزې همکارۍ او ادغام په رڼا کې د افغانستان او سیمې لپاره د سولې، ثبات او پرمختګ پیغام وي.
Comments
Post a Comment