په البانیا کې افغانان وايي، بې باوري زموږ ډېری د خپګان لامل شوي دي
شاوخوا شل افغان کورنۍ، چې د پخواني حکومت له نسکورېدو وروسته البانیا ته کډه شوې، وايي چې تر اوسه د دوی د پناه غوښتنې دوسیې نه دي څېړل شوي.
دوی د خپلو قضیو په اداره کولو کې د ګړندۍ پروسې غوښتنه کړې ، په پام کې نیولو سره چې د البانیا حکومت ملاتړ کمیږي.
د دغو کورنیو استازو په یوه پرانیستي لیک کې چې د افغانستان نړیوالې ادارې له خوا ترلاسه شوی، ویلي چې دوی د کار او زده کړو له فرصتونو څخه محروم دي.
دوی ویلي، چې دغه وضعیت د دوی د کډوالۍ دوسیو ته د نه پاملرنې ترڅنګ په البانیا کې د افغان کورنیو د کمزوري ذهني روغتیا او خپګان لامل شوی دی.
دغه کورنۍ له کابل څخه د ځينو امريکايي موسسو له خوا ايستل شوي دي. ډېری افغانان چې د پخواني افغان حکومت له ړنګېدو وروسته البانیا ته کډه شوي وو، امریکا او کاناډا ته لېږدول شوي دي.
دغو افغانانو په خپل لیک کې ویلي چې په البانیا کې د استوګنې ترلاسه کول د دوی لپاره مناسبه چاره نه ده او بل دریم هیواد ته لیږدول به یوازې د دوی د کډوالۍ دوسیې اوږدوي.
Comments
Post a Comment