د افغانستان د خپلواکۍ ۱۰۵مه کلیزه ولمانځل شوه چې پاچا امان الله خان ۱۰۵ کاله وړاندې په همدې ورځ له برتانوي هند څخه د افغانستان خپلواکي په رسمي توګه اعلان کړه.
افغانستان د ۱۹۱۹ کال د اګست په ۱۸ مه د امان الله خان په مشرۍ له انګرېزانو څخه خپلواکي ترلاسه کړه.
امان الله خان، د افغانستان خپلواکي غوښتونکی پاچا، د ۱۹۱۹ کال د اګست په اتمه د راولپنډۍ د سولې تړون لاسلیک کړ چې د افغان-انګلیس دریمه جګړه پای ته ورسوي.
هر کال د افغانستان په بېلابېلو برخو کې د خپلواکۍ د ورځې نمانځنې په ویناوو، شعرونو او سپورتي سیالیو ترسره کېږي.
د افغانستان سرپرست حکومت د خپلواکۍ ورځ د عمومي رخصتۍ په توګه اعلان کړه او د اسلامي امارت ویاند ذبیح الله مجاهد د زمري ۲۸مه د افغانستان د خلکو لپاره د ویاړ ورځ وبلله.
افغانانو په 1839-1842 کې د افغان-انګلیس په لومړۍ جګړه کې د برتانوي هند ځواکونو ته ماتې ورکړه. د 1878-1880 کلونو ترمنځ د افغان-انګلیس دوهمه جګړه وشوه چې هم د افغانانو په ګټه پای ته ورسېده.
د افغان-انګلیس دریمه جګړه د ۱۹۱۹ کال د می په شپږمه پیل شوه او د همدې کال د اګست په میاشت کې پای ته ورسیده او په پایله کې افغانستان خپلواکي ترلاسه کړه.
د ملي دفاع وزارت له خوا په خپره شوې خبرپاڼه کې راغلي چې د هېواد د خپلواکۍ د بېرته ترلاسه کولو ١٠٥مه کليزه په دغه وزارت کې د يو لړ مراسمو په ترڅ کې ونمانځل شوه.
Comments
Post a Comment