قطري الوتکه د طبي مرستو وړونکې کابل ته راورسېده
قطري الوتکه د طبي مرستو وړونکې کابل ته راورسېده
یوه قطري الوتکه چې طبي مرستې او څلور امبولانسونه یې لېږدول د پنجشنبې په ورځ د کابل په هوايي ډګر کې راښکته شوه.
د قطر د بهرنیو چارو وزارت په یوه خبرپاڼه کې ویلي، دغه مرسته چې د قطر د پراختیايي صندوق له خوا برابره شوې وه، د عامې روغتیا وزارت مرستیال بخت الرحمن شرافت او په افغانستان کې د قطر سرپرست سفیر میردف بن علي القشوتي له خوا ترلاسه شوه.
"دا مرسته د قطر دولت د هڅو او د افغانانو د ورورولۍ تر څنګ د ملاتړ او د هغوی د بیړنیو او اړینو اړتیاوو د برابرولو په برخه کې د هغه د کلکې ژمنې په چوکاټ کې راځي.
Comments
Post a Comment